宅男天地：性感魔女

魔法、學園加後宮可以話係家陣日本嘅王道漫畫，而能夠喺芸芸作品之中脫穎而出，足見呢套《七人魔法使》有幾咁吸引。既然漫畫咁受歡迎，又點可以冇模型推出，畀一眾粉絲將一班女角帶返屋企呢？最新登場嘅模型就係女主角之一俏皮美少女莉賽洛德‧夏洛克。佢副身材相當有睇頭，今次以比堅尼造型示人，正好畀機會佢展露誘人身段，不但露出半球，養眼嘅美股亦相當迷人。為咗重現佢施展魔法嘅一幕，模型商喺擺設上相當用心，以透明膠帶塑造出魔幻感，配以華麗底座，令觀賞性大增。