各位AV迷，日本AV界又有盛事上演，就係由中型AV集團KMP自己一手一腳籌辦嘅「KMP大賞」喇！雖然呢個頒獎禮冇乜人知，但係不乏索女優撐場，我哋就回一回帶去到當晚睇吓現場實況啦！
點解話呢個KMP大賞頒獎禮冇人知呢？皆因歷來KMP都冇搞過任何相關活動，加上獎項不設公開投票選舉，同時缺乏宣傳，連好多日本傳媒如《日刊SPA!》、知名AV情趣網站「AV研究所」都冇報道，故KMP大賞真係搞得好神秘兼好鬼祟囉！直至最近KMP喺官方網站公布頒獎禮各個獎項得主，小弟同其他AV迷一樣先知道頒獎禮經已圓滿結束，而當晚喺酒店中一個宴會廳大排筵席，頒獎之前，KMP先公布一下過去一年嘅業績，乜咁似公司周年大會嘅？
KMP高層上台公布業績時，話去年集團一共製作咗432套AV，演出女優人數為1,138名。業績報告完畢，新組成嘅KMP專屬女優組合新生Million Girls Z就上台獻唱，載歌載舞，令現場氣氛迅即暴升！之後，就頒發各個獎項，最高榮譽獎項KMP大賞嘅得主就係人氣同實力都極高嘅上原亞衣，原因係亞衣嘅作品無論喺實體碟銷量、出租定係網上銷量都屬於KMP集團嘅第一名。至於KMP女優獎就由上年出道嘅極品新人佐倉絆奪得，足見呢位KMP親生女為公司賺咗唔少錢。KMP企劃獎由拍得最多企劃作嘅川菜美鈴奪得，至於潮吹小天后大槻響就得到KMP特別獎，另外為KMP集團經常出席宣傳及攝影會活動嘅春原未來則獲授予TOP獎以表揚其貢獻，恭喜晒！
撰文：賢