如果AVN頒獎禮係四仔界奧斯卡，咁XRCO Awards可以話係四仔界紐約影評人協會電影頒獎禮，每一屆都吸引到業界猛人出席，而嚟緊4月踏入第31屆，為隆重其事，大會首次玩轉播，大家記住（目及）實啦！
作為一個四仔迷，各大小四仔頒獎禮都應該知道，同時舉辦頒獎禮目的亦無非想大眾知，之不過有個四仔頒獎禮竟然唔志在有冇人知，只要圍威喂就得喇！呢個頒獎禮就係XRCO Awards，由一班成人娛樂界猛人組成嘅X-Rated Critics Organization舉辦，喺1985年嘅2月14日首次舉行頒獎禮，之後咁多年都係跟隨「習俗」喺情人節當晚舉行，由於搞手係業界猛人，所以各大四仔廠老闆以及一眾脫星都會畀面出席。而頒獎禮形式十足自己友開派對咁，頒完獎就算，事前無邀請傳媒採訪，事後亦無發相畀傳媒，十分低調，而更過分係官方網站達垃圾級別，版面簡陋，冇圖多字兼唔User Friendly，唉！既然唔想畀人知，不如咪鬼搞啦！
但你有你勞氣，XRCO Awards就愈搞愈大，今年踏入第31屆，唔再喺情人節舉行，改於4月11日晚開騷，首次請嚟大會主持，正係由大廠Digital Playground轉會去Jules Jordan Video做一姐嘅Jesse Jane，可以獨擔大旗做司儀，Jesse話興奮到濕晒，期待屆時會High足全場喎！
獎項方面，今屆會增加到29個獎項，都係嗰句，因為係業界人士評審，難以用觀眾口味預測，不過未知官方係咪知衰，表示屆時會有攝影師拍攝整晚頒獎過程，剪輯後掟上網轉播。XRCO Awards以專業見稱，獎項一定唔會多，而且被業界封為「四仔良心」，即係話佢哋所頒嘅獎夠說服力，未知係咪咁，連獎座都設計成心形呢？邊個有獎攞都好，其實最緊要係有班老細揼錢，好似Vivid、Wicked Pictures、Evil Angel、 Girlfriends Films及Jules Jordan Video等年年出錢出力，冇佢哋又點會搞得成事呢！
撰文：祖