最不善經營愛情嘅水瓶座朋友，今年愛情運認真麻麻，因為土星入侵，壓制住主管愛情嘅戀愛宮，所以今年姻緣注定波折重重，未有意中人嘅朋友，好難搵得另一半，但如果拍拖一段日子嘅朋友，反而可以修成正果！
由於象徵愛情嘅金星退出水瓶座，本來已經愛情運麻麻嘅水瓶座朋友，今年會變得更加冇運行，如果乜嘢對象都冇嘅朋友，今年遇上意中人嘅機會幾乎係零，就算有個心儀嘅對象出現，想享受一下單思嘅味道，但好對唔住！因為你嘅不安同焦慮反應，好快就會畀人發現，而且會換嚟無情嘅答覆，簡單講即係連單戀都冇你份！但喺7月至10月期間情況會好轉少少，要開展新戀情就只能靠呢幾個月，由於對象可能係以前認識嘅朋友，所以你不妨多參加舊同學或舊同事嘅聚會，閒時出門多留意身邊嘅人，話唔定會遇番相熟嘅朋友，不要計較係咪同性，因為舊相識嘅出現，可能會由佢哋結識到新嘅朋友，所以咪以為同性嘅朋友就唔使理會，總之將自己嘅交友圈有咁大擴咁大！
至於已經拍拖一段日子嘅朋友，隨着代表愛情嘅金星退出同冷卻，你嘅愛情關係亦會有所轉變，所以順理成章就係要拉埋天窗，把尚有餘溫嘅戀情持續落去，但如果唔想結婚，再拖一年半載落去，其實大家都冇好處，隨時會將累積多年嘅感情一鋪清袋，但肯結婚都要小心阻力，由於受星體影響，就算肯結婚都會波折重重，最好係兩口子一起解決，攜手渡過難關，否則婚後感情生活也不會得到改善。至於已經結婚嘅朋友，你會繼續以朋友為先，以工作為重，另一半明白你當然好，否則都係多啲溝通與關懷，咁夫妻生活就會長久啲。水瓶座已婚男人今年小心夫妻關係之外出現第三者，由於明顯係爛桃花，所以質量好差，記緊少惹為妙，唔好因為一棵野花，毀了大好森林！
最佳數字：2、4、8
最佳顏色：黃色
最佳寶石：黃玉、黃水晶
最佳位置：舊朋友出沒地方
下周性愛運程
狩獵運：4★
甜蜜運：4★
戰鬥運：3.5★
撰文：小德