AV達人：DMM大賞 聲勢浩大

女優夠分量

日本AV界為大家貢獻良多，全靠一班AV業界台前幕後人員通力合作以及付出非凡努力，為咗表揚佢哋，10多年前舉行第一個大型AV界頒獎典禮Sky PerfecTV成人放送大賞。呢個頒獎禮係由Sky PerfecTV成人電視頻道主辦，由網友一人一票選出各個獎項得主，被譽為最具公信力嘅頒獎禮。不過，近年該頒獎禮失色唔少，原因係北都集團旗下嘅AV銷售網站搞咗個DMM成人大獎，為咗令其聲勢更強，北都唔准分量十足嘅女優參與Sky PerfecTV成人放送大賞。相對地，現正接受投票嘅DMM成人大獎2015就變得睇頭十足，入圍名單個個都係人氣強勁、實力強橫嘅頂級女優，就以最優秀女優獎為例，入圍女優就有吉澤明步、Julia、沖田杏梨、小島麻奈美、白石茉莉奈等10位女優，而Sky PerfecTV成人放送大賞嘅同一獎項只係有6位候選佳麗，當中最出名嘅只得紗倉真菜同有村千佳。

天后做司儀

至於新人獎方面，亦有10位入圍佳麗，包括有麻美由真接班人之稱嘅長瀨麻美，以及剛剛喺Sky PerfecTV成人放送大賞奪得新人獎嘅天使萌。除咗呢兩個矚目大獎之外，一如往年，大會特設話題獎頒予去年最具話題性嘅女優，而特別賞就頒畀活躍度最高嘅女優，另外仲有個特別表現獎給予演技進步神速嘅女優，大家只要Click上http://www.dmm.co.jp/adultaward/就可以睇到獎項嘅入圍名單，而登記成為DMM嘅會員之後，就可以跟住步驟投票，投票日期就即日至本月底結束，要投票就快手喇！頒獎禮於5月4日喺東京舉行，今屆嘅司儀陣容同入圍名單一樣咁勁，淨係睇巨乳天后麻美由真做司儀，以及上屆最優秀女優獎兩名得主上原亞衣同彩美旬果表演都夠啦！當晚大會仲請來樂隊、歌手做表演嘉賓，實在好睇過Sky PerfecTV成人放送大賞多多聲。

撰文：賢