食藥現巨乳，但當事人係個20歲嘅年輕男生？美國真人騷節目，現場教人床上必殺技，但要男女敢上床就地正法？南韓廢除通姦罪，以後通姦唔使負刑事責任，不少南韓朋友都鬆一口氣！
家陣真人騷節目真係乜都有，美國有個叫《性愛箱》嘅真人騷節目，專門幫助有性難題嘅夫妻或情侶，但有網友就懷疑呢個節目係咪咁掂！早前有一對上過該節目嘅夫妻接受傳媒訪問時大讚真係好成功，自從兩人生咗小朋友後，有成兩年都無晒性慾，但經過節目中嘅專家指導下大戰一場，兩人嘅慾望大增，自此性生活相當美滿，近日更傳出喜訊太太有咗第二胎，所以呢啲節目真係唔講得身笑，有興趣不妨上去求教一下！
美國有名20歲嘅男子，自8歲起連續5年服用治療自閉症嘅藥物，其自閉症有冇醫番好就唔清楚，但就令佢長出46DD巨乳，的確羨慕死唔少女士，但男人大丈夫擁有一對超級巨乳，真係邊度都唔使去！於是男子向藥廠索償，最後獲賠償250萬美元（約2,000萬港元）。藥廠調查報告指出，藥物中含有利培酮，有醫治抑鬱、焦慮等精神科疾病嘅功效，但同時有副作用令泌乳素高升，刺激乳腺發育，有網友就話不如索性用嚟做隆胸藥，一定會賣到斷市呀！
最近南韓憲法法院裁定1953年頒布嘅通姦罪違反憲法，決定將之廢除。過去6年南韓有近5,500人被控通姦罪，去年就有900人，喺當地違反通姦罪最高刑罰係監禁2年，但近年觸犯罪行，而被判入獄嘅個案大幅減少，法院大多改以罰款或社會服務代替，但法例一日未廢除，通姦犯人就總有機會入獄，家陣廢除咗，好多不安守本分嘅朋友都放下心頭大石。但有網友就擔心會助長不忠嘅風氣，以前要坐監都唔怕，以後唔變本加厲都幾難！
撰文：小德