法國巴黎向來予人浪漫嘅感覺，當地嘅艷舞夜店更係忠實呈現出呢種令人回味不已嘅元素，以浪漫嘅環境同優雅氣質嘅女郎，為大家打造興奮得嚟又誘人嘅美妙氣氛，當中尤以Pink Paradise至為出色。這所位於巴黎市中心嘅夜店，開業至今已超過10年，能夠喺當地屹立多年自然有其過人之處。
正如店名一樣，以粉紅同紅色為主調嘅環境，一入到去就感受到濃濃嘅浪漫感，配以法式宮廷設計更有種尊貴嘅感覺。當然，一眾氣質優雅又熱情如火嘅火辣女郎，更係令人着迷嘅重要原因。夜店每晚都會喺大廳舉辦狂野派對，將興奮感覺推上高峰之餘，更會同場內嘅玩家嚟個親密互動，玩得咁上下再嚟個膝上舞，確係令人回味無窮。不過，若然想同老友獨闢一角狂歡嘅話，店內亦設有多間華麗無比嘅VIP廂房，等大家可以享受私人嘅玩樂空間。
撰文：魂