偏重感情嘅天蠍座朋友，今年真係行正桃花運，因為天王星入主你哋嘅戀愛宮，所以愛情運得心應手，真命天子更會從天而降，但有愛情就連阿媽都唔認得嘅你哋，沉醉喺愛情甜蜜之中記着仍然要保持清醒，否則問題多多！
於2015年，天蠍座嘅朋友異性緣會特別暢旺，出現合眼緣嘅異性會與日俱增，而且每個人都會對你有所反應，唔似舊年咁勞心勞力後，仍然一啲反應同表示都冇，到今年8月之後，更係收成期，未有男女朋友嘅會有心儀嘅另一半走嚟向你表白，拍拖一段時間嘅朋友就會有結婚嘅打算，總之喜事連連；但要小心，如果你久旱逢甘露切忌太過心急，因為天生多情嘅天蠍座朋友，一有異性出現就會急於沉醉愛海之中，由於今年桃花特別旺，所以勿一時心急，揀錯對象而鑄成大錯，記緊睇定至好決定，而再畀少少提示，另一半係會意想不到，這包括佢哋嘅出現時間和地點，總之喺一個你點估都估唔到嘅情況下見面，例如喺南方、海灘、天氣炎熱、人多嘈雜嘅地方都好有機會！
此外，另一個意想不到嘅就係另一半嘅條件，係你以前完全意想不到，有可能係學歷、年紀、收入上和你有好大出入，所以你想迎接新一段戀情，就先要把舊有嘅擇偶包袱統統丟掉，否則只會白白浪費。拍拖後戀愛模式亦會意想唔到，有可能相識後不能天天相見，靠手機通訊來維繫愛情，以前的你是完全接受唔到，但當對方出現你就會默默接受。至於已婚嘅朋友，最好就係多留在家中陪伴另一半，增進彼此感情，但如要出外最好亦多帶另一半同行，一來可共同分享快樂時刻，二來可擋卻不少爛桃花。已婚嘅朋友切莫看輕自己，以為冇乜殺傷力，因為有吉星相助，所以殺傷力會再度出現，一時忘形，就好易會行差踏錯，所以出外應酬，帶埋另一半就包冇問題！
最佳數字：3、5、9
最佳顏色：紅色、粉紅色
最佳寶石：紅寶石、赤晶
最佳場所：海灘、遊戲機中心
天蠍座下周性愛運程
狩獵運：3.5★
甜蜜運：4★
戰鬥運：3★
撰文：小德