左擁右抱係男人嘅夢想，之不過，體力有限，一晚之間力戰兩女又有幾多男人可以做得到呢？如果一日之間要應付八位火辣美女又點呢？唔使驚，八位美女唔係要同大家上床大混戰，而係聯合嚟個大型攝影會啫。3月14號喺東京將會舉行大型攝影會「Miss Action 2015」，當日由朝早10點至下午6點分六節進行，其中兩節由模特兒換上便服登場，四節則換上水着拍攝，每節一小時，期間一班參加活動嘅龍友就可以喪影。
怕龍友太多唔夠分？驚都未驚過啦，叫得做大型攝影會，模特兒都特別大堆頭，當中就以SKE48前成員F奶美人佐藤聖羅以及賽車女郎松尾友莉最出名最吸引。而活動費用都唔係貴喎，想參與其中四節就收二萬日圓，約為千三蚊港紙，拍足六節咁多都只係二萬五日圓，約千六蚊港紙，想慳慳哋參加一節亦得，六千日圓就有得傾，真係抵到震！要了解詳情可以Click上http://www.fresh-club.net/project/detail/746。
撰文：賢