一段時間沒見阿畢，上星期在香港會面，當然要問他最近可有北上消費？不過他反過來問我：澳門怎樣？「連大老虎都出事，其他行內人點樣？仲有無得玩先？」我照直答，雖然舞照跳，涼也照樣沖，不過當下業界中人可是人心惶惶，究竟這件事會不會殺到埋身呢？誰也無法保證，「玩家暫時應該無乜大影響，但對於班經營者、從業員嚟講，真係見一步行一步。」答完阿畢，不如回到正題吧，「梗係有上去啦，慣晒啦嘛，唔去唔舒服。」
據阿畢說，上面的氣氛其實依然緊張，然而要玩依然有得玩，而且平貴都有，「貴嘅梗係無我份啦，但我都仲有啲老友玩得起一晚花一萬幾千飲餐酒，至於平嘅，都唔係話天下太平，總之大家低調啲啦，咁樣落去，生意有幾難做可以想像。講開又講，早排有幾間半正半邪桑拿關門，都應該係生意問題啦。」阿畢特別提到這件事，原來他中招了，「之前同個經理充咗值，都成兩千蚊，依家一關門，無得追啦。」這是大陸骨場慣常的做法，人客拿錢充值，得到優惠就更多，只能說，阿畢貪心惹禍啦。
撰文：黃韋龍