好多肢體模特兒，靠胸食飯嘅個胸一定靚到爆燈，賣腿維生嘅雙腿一定靚到冇缺點，但係其他地方就唔敢包，若然其他部位都同樣見得人，咁真係得天獨厚嘅例外，雖然少見但未必冇，今日就介紹一個例外畀大家認識！
呢位嚟自台灣嘅靚女名字叫做林昱，英文名叫Lynn，今年21歲，出道都有一段日子，最早係玩Cosplay，而且更被廠商力邀出席動漫展。由於Lynn擁有一雙長腿，所以深受龍友嘅歡迎。而廠商安排制服時，亦以佢嘅長腿為賣點，所以Lynn即時在網絡上火紅起嚟，後來有專拍攝美腿寫真嘅網站搵Lynn合作，拍攝咗一輯美腿寫真。咪睇Lynn只有168cm身高，但佢雙長腿真係正到不得了，粉絲人數即時急升，之後寫真網站每隔幾個月就搵Lynn拍一次，兩年間就接拍咗近十輯嘅美腿寫真，所以更被譽為新一代美腿小天后。近年Lynn除咗做美腿寫真模特兒外，更開始出席大大小小嘅展覽會同埋活動騷，所到之處例必有大班粉絲舉晒牌，比明星仲要誇張！
Lynn能夠深入民心，除咗雙腳真係又白又長之外，有網友仲發現佢條筋十分之鬆，所以有好多筋硬囡囡拍攝唔到嘅動作，佢都可以輕鬆拍到，而且效果出嚟更係令人目瞪口呆，加上Lynn樣子唔差，單係不刻意散發出嚟嘅青春活力，就已經將好多上年紀嘅腿模比下去。至於身材方面，Lynn雖然只有32吋嘅上圍，但原來係C罩杯，所以只要略為加啲墊，就會有波濤「胸」湧嘅效果，配埋奪命香雞腳，真係性感到不得了，少啲定力都畀佢勾魂奪魄。近年Lynn更走入現實世界，出席唔少活動，見佢反應敏捷，對答如流，睇嚟仲係做主持嘅好人選，相信好多節目搵佢擔任客席或者助理主持，到時喺電視都見到佢，人氣就會更高，新一代偶像隨時會出現呀！
簡介：林昱係台灣出晒名嘅美腿天后，近年更進身模特兒行列，所以作品多到不得了，要睇晒佢嘅性感照，最好都係上佢嘅facebook，唔會走雞！
網址：www.facebook.com/Lynnlinyu
出生地：台灣
三圍：32-24-34
身高：168cm
撰文：龍四海