艷舞夜店係咪千篇一律都係以奢華、優雅或古典嘅環境嚟吸引玩家呢？未必，事關好似呢間位於紐約布魯克林區嘅新派夜店Pumps咁，就以年輕、活力同時尚嘅裝修，加上一班體貼嘅艷舞女郎坐鎮，成為年輕玩家嘅夜遊熱點。據Pumps嘅負責人表示，佢有感唔少脫衣舞夜店嘅設計都差唔多，活力感更係欠奉關係，故此佢銳意將Pumps打造成潮流夜店。
為咗令面積唔係咁大嘅店面睇起嚟更有空間感，店內四周牆壁用咗大量嘅玻璃鏡，加上充足嘅燈光同埋優質嘅音響，令佢睇起嚟更有時尚感。非一般嘅艷舞女郎亦係呢度嘅賣點，須知道唔少脫衣舞女郎嘅所謂熱情同好客，其實都係想玩家畀多啲錢睇艷舞，而呢度就唔同，艷舞女郎真正樂於同玩家傾偈，不但令人更感舒服，尤其對初次嚟到嘅玩家冇咁大壓力添！
撰文：魂