每年嘅第一季各界電影迷都會留意一項盛事，就係美國荷里活嘅奧斯卡電影頒獎禮，其實除咗呢項盛事之外，3月3日喺日本亦有一個AV界奧斯卡舉行，就係Sky PerfecTV成人放送大賞喇！今屆一如以往每個獎項都競爭激烈，為咗拉票各個入圍女優都各出奇謀，更不惜裸露身體添！
好快又到農曆新年，而每逢新正頭小弟都好開心，除咗可以繼續𢭃利是幫補收入，新年過後好快又輪到日本AV界盛事上演，就係極具權威性同公信力嘅Sky PerfecTV成人放送大賞（下稱成人賞）。成人賞嚟到今年已經舉辦到第11屆，歷屆各個獎項嘅得主都係實至名歸，好似上年最優秀女優得主係波多野結衣，相信全日本以至亞洲都冇人會質疑其實力。嚟到今屆，成人賞喺上年12月1日開始接受公開投票，每人每日可以為5個獎項包括最優秀女優獎、最優秀新人獎、最優秀熟女獎、最佳作品獎以及最優秀男優獎投下神聖一票。而為咗爭取大家嘅一票，女優們可謂各出奇謀，好似入圍角逐最優秀女優獎嘅有村千佳，就日日喺微博上載自拍性感露點照，力求成功奪獎！
至於同樣有份角逐最優秀女優獎嘅人氣小淫娃紗倉真菜亦不甘後人，除咗喺自己嘅博客及微博以一系列性感露點照日日拉票之外，更加有SOD替呢位愛將撐腰，不但喺SOD官方網頁為紗倉宣傳，仲為佢製作別開生面嘅海報，呢張海報做到好似日本議員參選咁，將真菜嘅照片放大，上面寫住參選口號「性權交代！」，夠晒搞笑！而被喻為最優秀女優獎熱門人選嘅彩美旬果，早前出席活動嘅時候，就落力向現場觀眾拉票，更搵嚟好友兼女子組合Pinkey成員周防雪子、丘咲亞微梨以及北川瞳齊齊幫手拉票添！
另外，出道6年擁有絕色美貌以及「奇迹之肉體」嘅椎名由奈，雖然冇親自拉票，但係就交畀瘋狂粉絲每日將佢嘅艷照上載，兼撰文大讚由奈，實行曲線拉票。至於角逐最優秀熟女獎以及新人獎嘅佳麗，只係喺博客提吓網民記住投自己一票，相對地比較無新意囉！
撰文：賢