Free啲夜蒲:4 Play奢華艷舞

大家睇見4 Play呢個字時千祈咪心邪,以為呢度有得玩群戰,查實佢係美國著名艷舞夜店嘅名,位於洛杉磯嘅佢不但喺美國響晒朵,更先後被多本雜誌同男士網站推選為全球著名艷舞夜店之一。

成立超過15年嘅佢,最厲害嘅地方唔單止在於佢以古典味嘅環境,畀到玩家奢華嘅宮殿級體驗,最重要係店內嘅艷舞女郎,個個都質素超高同埋熱情火辣。事關佢哋並非單純喺舞台上跳舞咁簡單,穿梭於店內嘅餐飲區、酒吧區同VIP區之餘,仲會同玩家傾密偈,更會隨玩家嘅要求嚟個貼身嘅舞蹈誘惑,膝上舞、震股舞以至人肉鋼管舞等悉隨尊便,配合埋超高規格嘅拍攝規定,畀到玩家安全又私隱性十足嘅娛樂空間,難怪佢係唔少城中名流、體壇明星及娛樂圈名人嘅夜蒲選擇。

撰文:魂