關於人體邊個部位最怕痕嘅話題，多年嚟聽得唔知幾多，咁老套嘅題材點解又會惹起巴打嘅關注呢？早前日本電視台TBS嘅測試節目《排名王國》，就以「人體邊個部位最怕痕」為題搞咗個測試環節。佢哋先喺涉谷街頭訪問100位女士，然後選出10個被認為最怕痕嘅部位，跟住再請嚟兩位身材火辣嘅比堅尼女郎嚟做實驗，喺工作人員嘅搔癢下睇吓佢哋覺得邊個部位最痕，結果頭三個最痕部位分別係腋窩、腰側同頸。本嚟身材玲瓏浮凸嘅比堅尼女郎已經夠晒養眼，只係勢估唔到佢哋嘅笑聲更係誘人，事關被搔得狂笑嘅佢哋，中間仲夾雜住令男士聽到邪念爆發嘅叫聲，搞到一眾巴打意亂情迷。