近期醫學界就流感高峰期成日呼籲大家要注意衞生，特別係雙手。其實就算唔係處於流感季節，大家都應該注意衞生，保持整潔形象，如果唔係點溝女呀！之不過，如果閣下唔多鍾意整潔都唔怕，因為世上有好多女仔都係咁，古崎瞳就係其中之一喇！
雖然小弟無巨乳不歡，但事實上卻又有好多非巨乳水着妹深得我心，好似小倉優子、秋山莉奈、山本梓、瀨戶早妃等等，佢哋個個都擁有獨特氣質，散發出令男人神魂顛倒嘅攝人神韻，只係睇佢哋個樣都暈得一陣陣，有冇巨乳都冇所謂啦，古崎瞳亦係一個靠美貌迷倒男人嘅絕色美人之一喇。今年28歲嘅古崎瞳五官標致，氣質綺麗高雅兼具知性美，又可以露出足以奪魄勾魂嘅攝人目光以及妖艷表情，舉手投足都充滿動人魅力。古崎瞳身材可能唔多適合熱愛巨乳嘅廣大市民口味，不過佢體形纖巧苗條，仲帶修長感覺，且皮白肉嫩，即使上圍有欠豐滿，亦有其特別吸引力，加上拍寫真時擺姿勢都盡顯騷味，感覺一樣誘人之極。
2006年古崎瞳由家鄉廣島縣去到東京發展其演藝事業，第一步就係參加手機OPTION女王，憑住過人美貌以及姣好身段而爭取高度注目，並成功進軍寫真界。後來，挾住強勁人氣，參加不少選美比賽，例如Miss FLASH以及日本Telegenic等。雖然喺比賽當中古崎瞳都未有獲獎，但係亦無礙其發展，除了拍寫真之外，亦有做賽車女郎以及拳擊賽事中嘅舉牌女郎，曝光率高咗之後，喺2010年終獲得演出電影《跳躍夏天》嘅機會，此後就成為演員且拍戲唔少，上年又為《鬼明燈先生家的大姐》演出喇，同時亦係早晨節目《早上好星期日診療所》嘅女主持。古崎瞳人紅咗，自然好多人想了解更多同佢有關嘅消息啦，某次綜藝節目有主持人上到其香閨……應該係「污閨」探訪，因為入到去就發現佢間屋凌亂不堪，四圍都係衣物，枱頭又有一大堆打開晒同食過嘅包裝食物，去到廁所睇吓仲驚！因為洗手盆同浴缸一樣咁污糟，仲布滿瞳妹嘅頭髮，真係好多人估唔到。
古崎瞳近期成日都出席攝影會，一得閒就會將花絮拍低再放上博客，故大家Click上去可以睇到好多古崎瞳大玩Cosplay嘅相片。
網址：http://ameblo.jp/hitomin-f/
年齡：28歲
身高：5呎4吋
三圍：32-23-33
撰文：賢