渡海濠情：肖馬桃花特旺 睇定嚟食

肖馬：開開心心

師傅話今年「龍馬精神」，因為屬龍同屬馬嘅朋友特別旺桃花，未有伴侶嘅會出現另一半，但唔好太心急，因為好嘢會陸續嚟，睇定啲至出手，而最大機會由熟人介紹，認識自己生活圈子以外嘅朋友。已有另一半嘅亦會甜甜蜜蜜，開開心心，但小心甜蜜得滯，搞大另一半個肚呀！小舞話：「我都估到啦！屬馬嘅男朋友呢期特別吸引我，搞到我晚晚都想要佢陪住，但真係要小心啲，由於我哋一見面就會太激情，好擔心會意外搞出『人命』呀！」

肖羊：吵吵鬧鬧

唔使問師傅我都知道，今年屬羊嘅朋友值太歲，所以感情運一定麻麻，而據師傅講因為有口舌是非嘅星宿出現，所以無論男女感情運都屬平穩，但小吵小鬧會周時發生，只要大家都心平氣和嚟處理，吵到要分手嘅機會較少，但成日都嘈交你都咪話唔頭痕。小舞話：「我其中一個男朋友就係屬羊，佢少少嘢都同我嘈，起初忍唔住氣梗係同佢拗過啦！但日日都嘈，我真係冇佢咁好氣，所以寧願少啲見面，大家唔見面，反而感情仲會穩定啲！」

小舞	小舞樣子斯斯文文，就算鬧交都係一陣子就會冇晒火！	小舞有個男朋友被公司派去外地工作，令佢十分掛念！

肖猴：天煞孤星

今年猴仔猴女因有吉星出現，所以運氣極佳，但可惜同時出現「寡宿」星，呢粒星專破壞人姻緣，令屬猴嘅朋友感情上冇運行兼食白果，注定今年內孤獨一身，就算拍緊拖或者已婚嘅朋友，都會因為呢粒星而與愛侶聚少離多，但咪以為夾硬多見面就會冇事，可能會出現更差嘅效果。小舞話：「我有個屬猴嘅男朋友，平時最錫我就係佢，但講咗今年3月開始有半年被公司派去外地交流，睇嚟真係要我哋聚少離多，離還離，生日禮物記住要送畀我呀！」

下周大吉生肖

異性運：龍、馬、狗

桃花運：虎、兔、羊

和合運：牛、猴

小舞Profile

年齡：19歲

三圍：34-24-35

撰文：小德

攝影：阿生

玄學提供：寶源師傅