渡海濠情:雙子情人八卦稱霸

好多囡囡都同雙子座嘅男士特別投契,除咗佢哋最擅長講笑話氹囡囡開心之外,原來亦十分喜歡講是講非,咁多星座中佢哋認咗八卦第一,都冇人敢認第二,嚟自9號會所嘅安寧就話:「佢哋有時仲諸事八卦過女人!」

整古作怪

安寧話:「我對上一個男朋友就係雙子座嘅,佢為人十分幽默風趣,對佢早就印象深刻,但最討我歡心嘅就係佢好喜歡講八卦嘢,特別係娛樂圈嘅八卦新聞,真係如數家珍,同我講足成日都仲有料講,每次都聽得十分過癮,慢慢就索性拍埋拖,後嚟由於大家一齊返工,佢仲有本事打探到公司裏面嘅八卦新聞,例如某秘書做咗某經理嘅小三,又或者某女同事同時一腳踏兩船,最爆就係打探到老闆嘅小四,原來就係公司某部門嘅同事,而最厲害就係呢位小四竟係有夫之婦,而且老公更係公司嘅同事,咁爆嘅料都畀佢八卦到,有時真係唔佩服佢都唔得,所以特別喜歡同佢一齊,因為日日都有新料提供,而且整古作怪咁演繹,聽極都唔會覺得悶!」

食極唔飽

咁開心點解最後又會分手呢?安寧話:「就因為佢太愛講是非,喺我面前當然講人哋,但喺其他同事面前,好多時是非當人情,將我好多小秘密攞嚟同同事分享,起初我都唔發覺,但慢慢發現有啲同事竟知道我嘅小秘密,例如我喜歡挖完鼻哥周圍彈,有同事見我鼻哥痕就話定我咪亂彈,你話咁私隱嘅秘密唔係佢講仲有邊個?仲有生理周期只有我同男朋友知道,但我只要稍稍忟憎啲,就有同事直指我生理周期到,唔同我計較!你話佢真係乜都夠膽死講畀人聽!但最令我生氣嘅,就係將我哋嘅性生活細節都同人講,明明佢想再下一城就話我食極唔飽,夾硬要佢再嚟一次,你話全公司都以為我係大胃王,咁樣生安白造法,我唔火滾都幾難,所以一氣之下就決定同佢分手了斷!」

雙子座 5/21-6/21

雙子座特質:講是講非

十二星座中要數最喜歡搬弄是非嘅男士,一定係雙子座嘅朋友莫屬,佢哋喜歡打聽,更喜歡分享,所以有秘密真係咪同佢哋講,否則一定會街知巷聞,但好多囡囡偏偏喜歡同佢哋講八卦嘢,所以亦係佢哋識女仔嘅必殺技之一。

雙子座下周性愛運程

狩獵運:4★

甜蜜運:3.5★

戰鬥運:5★

安寧Profile

年齡:20歲

三圍:33-24-34

撰文:小德

攝影:阿程