情色讀物:誘人「恭」股

所謂有麝自然香,通常值得支持、充滿欣賞價值嘅唱碟,其封面都唔需要特別修飾,只係以簡單圖案就已足夠從平凡中凸顯不平凡,使乜雕龍雕鳳又要將歌手個樣放到大一大咁突兀,深田恭子最新嘅寫真集就係一個好例子喇。

深田恭子出道多年,一直保持相當人氣,而其美貌同身材仲隨年齡增長而愈來愈吸引,近年更積極展露性感,大騷誘人身段以及女人味。

恭子喺佢嘅最新寫真集《Down to earth》當中會繼續以豐滿胴體吸引觀眾,今次仲會特別去到夏威夷取景,並且會將享受衝浪嘅過程,以及面對巨浪時嘅積極心態、決心同勇氣表達,恭子話希望以此感染到大家,更加積極面對生活上嘅困難喎。

由於恭子近期以性感形象重新吸引大家注意,而歷來嘅寫真集都有料到,故今次呢本都唔使特別標榜自己個樣,簡單地以下半身做封面就已經足夠。

售價:約HK$199

撰文:賢