日本水着界有好多女優拍寫真拍出知名度之後，就會向其他方向發展，而唔少都成功憑美貌以及口才而成功進身主播之列。有水着妹變身女主播嘅同時，又有唔少女主播得閒就拍幾輯水着寫真，實行同班正宗水着妹鬥一番，美馬怜子就係其中一位喇。今年30歲嘅怜子綺麗迷人，成個綾瀨遙咁款真係令人覺得甜到入心。
怜子靚女之餘仲擁有一副雪白又豐滿嘅姣好身段，所以曾經成為雜誌模特兒，後來仲成功打入電視圈成為早上天氣女郎。由於怜子身材咁好，兩年前就有人搵佢拍水着寫真，最近怜子最新嘅一本寫真集《After the rain》已經上市。為咗拍攝呢本寫真集，怜子去到沖繩、關島等風光如畫，以陽光與海灘知名嘅地方取景，再換上火辣三點式上陣，實行為大家帶來盛夏之時嘅炎熱感覺，剛好近日天氣轉冷，大家不妨買本驅驅寒意喇！
售價：約HK$212
撰文：賢