渡海濠情：一腳踏兩船 兩招幫到手
當親熱短片流出，一般都係女主角得到多數人嘅同情，而喺墨西哥，一段親熱短片當中嘅女主角反被千夫所指，原來佢係已婚婦人，但片中男主角竟然唔係佢老公，嚟自金池桑拿嘅香香就話：「偷食都咁唔小心，認真要檢討吓！」
用拖字訣
香香話：「講到偷食，我過去真係撞板無數，所以吸收咗多年嚟嘅經驗，家陣偷食已經永無失手，而且仲稱得上專家添，不知幾多姊妹都成日嚟向我請教，其實要偷食嘅主要原因，就係太受歡迎，男朋友太多囉！喺佢哋面前，男友當然係唯一一個，但背對佢哋，又點只一個咁少呢？要偷食唔失手，喺識男朋友前有兩點十分重要，第一就係話畀佢知你只係個第三者，願意保持關係嘅話，只會係後備嘅角色，萬一兩個同時撞正，兩個都係後備，所以一定冇交嗌，至於啲男友一定會問，你幾時至同前度分手，我就會話對方死纏爛打，甚至有啲精神病添，所以唔想刺激到佢，等我慢慢嚟處理，就好似有啲男人呃個小三咁，好快會同老婆離婚一樣，一於用拖字訣，保證有效。」
後果自負
仲有一個要點又係乜嘢呢？香香話：「就係拍拖前要同佢哋講明，一定唔可以畀驚喜我，因為以我嘅經驗，每次啲男朋友一畀驚喜我就會出事，例如佢哋話去外地出差七、八日後返，我咪搵定阿三阿四嚟打發時間囉！但佢哋突然提早回來話畀驚喜我，咁就實斷正收場，所以我家陣學精咗，所有男友都唔可以畀驚喜我，自認心血少，唔刺激得！仲話明你去邊就去邊！話好幾時見就幾時見！千萬唔可以失驚無神出現，好多男友覺得女朋友唔需要畀驚喜佢仲舒服，所以大多數人都會聽我嘅，但有啲懶浪漫嘅人就會點改都改唔到，咁就由得佢哋後果自負，但有咗第一點後，就算唔好彩撞到正，亦可以化解於無形，所以總結我呢兩招，一定可以確保姊妹們偷食唔會出事！」
香香Profile
年齡：21歲
三圍：35-24-34
撰文：小德
攝影：阿德