如果男友經常去髮型屋剪髮，咪以為佢貪靚，有可能當中另有內情。事關澳洲就有間髮型屋，佢哋嘅髮型師唔單止係個樣靚身材正嘅索女，剪髮時更以半裸加底褲嘅造型上陣，真係極度香艷！呢間位於布里斯本叫做Barber Babes嘅髮型屋喺去年1月16日開張，聲稱係澳洲唯一半裸髮型屋。
店內嘅消費從最平嘅剃鬚服務10澳元（約67港元）起，仲講到明索女髮型師喺剃鬚期間，會用對車頭燈貼住男士個頭，呢種服務係咪好正先？其實呢間半裸髮型屋位於當地一間叫做「Grosvenor on George」嘅脫衣舞酒吧之內，而髮型師其實係吧內嘅艷舞女郎，間吧之所以推出咁嘅服務，目的既為咗方便嚟玩嘅男士，更希望透過呢種服務畀到玩家與別不同嘅體驗。
撰文：魂