台灣民眾對日本AV文化相當受落，為回應佢哋對自己嘅支持，近年就有唔少AV女優去到台灣登台、拍寫真、開攝影會，最近就有吉澤明步夥拍麻生希去到當地同各位寶島男兒見面喇。除咗AV女優，水着界都對寶島相當有興趣，不時有水着妹去到當地取景拍寫真，最近就有以巨躉聞名嘅倉持由香。
倉持由香論樣貌就唔係特別靚女，講上圍亦只屬微乳一族，可以成為日本嘅話題水着妹，全靠一個39吋巨型優質股，為咗凸顯其巨躉魅力，由香仲經常聚焦於巨躉上玩自拍，並將相片放上博客同大家分享，亦因為咁日本民眾都叫佢做「尻職人」。寫真集《台灣驚異的美尻集》就係由香嘅最新力作，睇書名都知今次由香係去台灣拍寫真，當中會一如既往一露其優質股，露出嘅地方除咗係台灣優美嘅山區，仲有充滿特色嘅熱鬧夜市，將當中繁華喧鬧嘅氣氛融入自己嘅「股」惑演出。
撰文：賢