黑色往往畀到人神秘同難以言喻嘅誘惑，而每到黑漆嘅夜晚，更係男女蠢蠢欲動嘅時候，無比慾火一觸即發。其實黑同Black喺情慾字海中，有着唔同嘅意思，而佢所帶嚟嘅更非誘惑兩字可以形容得晒，有啲詞語仲會令人有眼界大開嘅感覺。
有玩開啤牌嘅人都知「Black Ace」即係俗語嘅「葵扇煙」或「黑桃煙」，只係喺英國情慾俚語中卻有另一層意思，解做女性嘅鮑魚。呢個令唔少男士欲仙欲死嘅神秘地帶，之所以得到「Black Ace」呢個俗稱，據講喺英國男士眼中佢嘅外形同葵扇煙差唔多之餘，佢哋普遍嘅顏色亦係偏黑。作家Morgan Hastings就覺得其實呢個世界嘅鮑魚唔係隻隻都係黑色，於是出咗本名為《The Big Coloring Book of Vaginas》填色冊。書中印有各種鮑魚圖案，而大家可以發揮自己嘅想像力，為唔同嘅鮑魚畫上各種圖案同填色，即係自創七彩鮑魚都得呀！
睇電影都知唔少秘密社團都會有本名冊，而嗰本名冊上有齊團員嘅聯絡方法同資料，不知幾咁重要，卻原來喺妓女手中亦有本咁嘅名冊，英文就叫做「Black Book」。名冊中不但寫有玩家個名同聯絡方法，仲會記錄佢哋嘅喜好同一啲個人資料，係唔少囡囡搵食嘅寶鑑之餘，更唔會輕易畀同行發現。另外，「Black Book」仲有一個意思，就係指嗰啲一腳踏幾船男女，用作記錄佢哋為數眾多男女朋友資料嘅記事簿，等自己唔會忘記而出事。
Limo係Limousine嘅縮寫，意思係加長型嘅豪華轎車，咁「Black Limo」咪即係黑色長轎車？梗係唔係啦！喺情色俚語中，解作超長嘅男士兵器。究竟點先至可以算係男士巨棒「Black Limo」呢？已故英國前黑人男脫星Long Dong Silver絕對有資格。呢位喺1960年4月20日出生，喺2002年10月12日逝世嘅脫星，據講佢支兵器長達18吋，而最厲害之處就係佢仲可以打結添！憑住呢支黑色巨棒，喺1979年以四仔《Sex Freaks》開始正式進軍四仔界，只係講到佢嘅成名作，則要數喺1982年演出嘅四仔作品《Beauty and the Beast》，有興趣嘅話可以搵番嚟睇吓。
喺四仔界有黑夜女神之稱嘅傳奇脫星，佢就係今年27歲嘅Tori Black。呢位喺美國西雅圖出生嘅索女，早喺2007年已經投身四仔界，憑住34、27、34嘅三圍及5呎9吋嘅高挑身材，令佢甫出道馬上成為四仔迷嘅焦點。不過講到佢事業嘅巔峰期，則要數2009年及2010年期間，事關喺呢兩年內，佢囊括咗CAVR、XRCO、XBIZ同AVN呢4個美國著名四仔頒獎禮嘅年度最佳女脫星獎，並連續喺呢兩年嘅FAME頒獎禮中，獲得最受歡迎新進脫星及最受歡迎脫星獎。喺2011年時，佢更被時尚生活雜誌選為「現今100位最火辣脫星」嘅首位，絕對係成就非凡！近年佢致力經營個人成人網站，務求喺商場上大展拳腳。
黑澤愛
稱黑澤愛做第一淫娃並非老吹，皆因佢都自稱係AV界第一淫后！事實上呢位喺1982年12月24日出生嘅經典女優，憑住前凸後趷嘅身材，喺2001年出道時已經吸引AV迷嘅目光，加上佢喺作品中演出夠狂野，私底下亦豪放兼大膽，令佢唔單止片約不斷，更好快就喺AV界打響名堂。究竟佢嘅言行有幾出位呢？話說喺2002年日韓世界盃時，佢將自己嘅AV作品寄到正喺日本靜岡集緊訓嘅日本國家隊，話希望可以幫佢哋放鬆緊張嘅情緒，仲話如果日本隊能打入16強嘅話，佢非常願意用自己嘅身體嚟犒賞大家添！喺2005年宣布引退嘅佢，2007年宣布從Crystal映像復出，冇耐佢又宣布引退，跟住又喺2009年初宣布復出，真係估佢唔到呀！
黝黑火辣
考吓各位AV迷，究竟邊個AV系列佢哋主打皮膚黝黑兼床上狂野無比嘅AV女優呢？答案就係著名AV片商kira★kira嘅Black Gal系列。老實講，呢個系列稱為Black Gal好似唔係咁啱，事關佢哋一班女優皮膚唔算黑，最多只係稱為小麥色。不過姑勿論如何，呢個系列憑住狂野兩字令唔少AV迷興奮無比，而多年以嚟佢更獲得唔少人氣女優參與演出，當中包括泉麻耶、西野翔、紅音螢、濱崎里緒等。可能有人會問乜呢啲女優唔係好多膚色都係白雪雪咩？答案係喺演出前，佢哋都會諗辦法曬黑自己，以滿足片商嘅要求，先至可以營造出咁嘅膚色。
撰文：魂