宅男天地：玲瓏浮凸三公主

呢個造型咁性感嘅模型，究竟係嚟自邊套動漫作品嘅角色呢？原來佢係日本經典動畫最新系列作《宇宙戰艦大和號2199》中嘅伊斯坎達爾王室三公主尤莉夏．伊斯坎達爾。為咗迎接即將上映嘅最新劇場版，於是搵嚟呢位人氣三公主作為模型嘅頭炮作。個樣本身已經夠索嘅佢，加上嗰套大開中門兼超貼身嘅宇航制服，令佢玲瓏浮凸嘅身材一覽無遺，尤其係嗰條事業線，點可能唔成為大家嘅焦點呢？不過，模型嘅焦點仲有另一個地方，只要從後面睇嘅話，就會發現貼身制服下展現出嚟嘅渾圓迷人美股，正！