每次講起艷舞夜店，總以為都係男人嘅勝地，只係呢間位於荷蘭阿姆斯特丹嘅Club Paradise，不但成為男女玩樂嘅熱點，更提供一般夜店所冇嘅玩樂設施。開業超過25年嘅Club Paradise，憑住超高嘅私隱度，同極具視聽享受之餘又唔低俗嘅艷舞娛樂，以及多元化嘅玩樂設施，成為單身男女同夫婦熱愛嘅夜生活場所。
場內分為三個表演專區，每晚同時表演唔同風格嘅艷舞，配合從全球各地挑選出嚟嘅男女艷舞好手，帶畀玩家唔同嘅玩樂享受。此外，華麗嘅裝修加上唔同嘅娛樂設施，好似桑拿浴室、露天酒吧、自助餐廳、玩樂廂房等，為玩家提供更多嘅玩樂選項。另外，每晚唔同主題之夜更係令玩家興奮無比，當中尤以每逢星期三晚舉辦嘅泳池激鬥嘅人氣至高！
撰文：魂