好多女仔為咗瘦身同豐胸無所不用其極，除咗服用減肥藥，更會採用各種方法以求達到目的。其實要令身材健美最緊要係做運動同注意飲食均衡，然而好似篠崎愛呢位天賦異稟嘅超人氣水着妹就唔同，佢保持雙峰又大又挺嘅秘方，只係瘋狂食肉。
童顏巨乳相信係好多男人嘅至愛，歷來日本水着界就有好多呢種又罕有又吸引嘅女仔，好似酒井若菜、星野亞希、夏目理緒都係知名嘅極品，名氣更加傳到嚟大中華地區。至於近年，童顏巨乳就好似變成一位水着妹嘅代名詞，呢位就係篠崎愛喇。愛妹青春俏麗，萌味十足，雖然已經22歲，加入水着界多年，經歷幾番變遷，但係面上嘅天真、稚氣依然未變過，拍寫真嘅時候更加調皮精靈，亮麗嘅明眸更加透發出童心未泯嘅神態，認真難得。更難得嘅係愛妹嘅身材保持得宜，往日仲見佢肥嘟嘟，但係家陣已經將身上嘅贅肉大大減少，令身材肉感十足之餘不再肥膩。不過，大家欣賞愛妹嘅身材都唔會太計較，事關佢胸前一對G-Cup極品巨乳已經搶走晒大家嘅視線，好一對又大又飽滿嘅木瓜奶呀！
愛妹雖然係咁天真可愛，但佢可以話係水着界當中嘅老前輩，皆因阿妹14歲就開始拍寫真，至今已有八年嘅寫真經驗。憑住可愛面孔及勁爆身材，無論喺寫真界定係藝能界都相當吃得開，從佢嘅博客中可以知道近期工作忙碌，今個月要去阪神賽馬場做嘉賓，又要落彈珠機店做宣傳，而今年愛妹仲拍咗唔少電影作品，例如《阿爾卑斯女子學園》，認真夠晒忙碌。之不過，愛妹早前接受訪問嘅時候，表示感情生活一片空白，基於事務所有規限旗下藝人唔能夠談戀愛，故經常都要一個人生活，連自己最鍾意嘅烤肉都要一個人歎，唔知係咪因為「獨食難肥」，所以愈食愈弗呢？佢就話咁都係原因之一，相信自己胸部咁有彈性係同嗜食肉類有關係喎，幸好喺嚟緊嘅拆禮物日，愛妹會舉辦「篠崎愛的聖誕節後半夜祭」，同班粉絲一齊歡度佳節，到時大家一齊縱情食烤肉，咁就冇咁孤單喇。
篠崎愛感情生活缺乏，平常惟有成班姊妹周圍吃喝玩樂，從其博客經常上載姊妹團嘅合照就可見一斑。
網址：http://ameblo.jp/oshino-ai/
年齡：22歲
身高：5呎3吋
三圍：36G-26-35
撰文：賢