成人產業競爭激烈但賺得最多錢，不但四仔片廠同脫星收入豐厚，連周邊生意亦賺到盤滿缽滿，好似近期熱爆嘅成人中介網站「SexyJobs.com」，就成為四仔廠搵新女及脫星搵Job嘅最佳平台。
巴絲打搵工會上求職網站，咁你估囡囡想剝衫拍戲及四仔片廠想搵新女又去邊度搵呢？答案係上網站「SexyJobs.com」。呢個網站嘅業務主要係提供平台畀成人娛樂公司搵女，以及安排囡囡接Job。網站負責人Sean Phillips表示網站初期生意一般，直至近年歐美經濟下滑，好多人都失業，後生女都湧住剝衫搵錢，因而令網站瀏覽次數大大增加，發展至今已成為業界龍頭網站，堅呀！
而Phillips對成人產業可謂貢獻良多，事關佢連結起整個成人工業，不論你諗到同諗唔到嘅「Sexy」工作，網站都可以幫到手，包括拍四仔、跳艷舞、視頻裸模、成人台主持、成人展展模以及愉虐Model等，連另類工作都有，例如人體彩繪模特兒、街頭裸模，甚至
伴遊。
據Phillips表示，四仔片廠可以喺網站內出Post搵新女，而囡囡想剝衫搵食嘅話，只要填寫個人資料、才能及工作接受範圍，再上傳幾張性感相片就搞掂，Phillips話想加入四仔界做脫星嘅囡囡不妨諗諗喎！
成人界始終係重女輕男，所以網站以往幫過唔少脫星搵銀，好似Brook Ultra、Summer Carter，以及有份提名角逐今屆新人獎嘅Trinity St. Clair咁，佢哋除咗拍四仔之外，仲撈埋視頻女郎、夜場跳艷舞，甚至當伴遊，收入可謂豬籠入水，同時呢三位囡囡更榮登網站最受歡迎脫星。難怪Trinity妹話即使攞唔到新人獎都無所謂啦，皆因阿妹有八足咁多爪搵銀，真係財源滾滾呀！
撰文：祖