最近有輯私拍模特兒嘅性感照流出，由於身材火辣，性感度爆晒燈，所以引起網友爭相轉貼，一時間更成為網友們嘅新寵兒，而呢輯寫真照嘅主角，就係嚟自北京嘅新人朱贏！名字十分獨特，甚至連個性都與眾不同！
今年廿歲左右嘅朱贏，英文名叫Molly，家住北京，啱啱喺北京化工大學畢業，起初以為佢修讀化學，原來唔係，朱贏主修時裝設計同埋時裝舞台演出，所以佢畢業後除咗順理成章做模特兒外，佢家陣仲係一位時裝設計師。自小喜歡美術嘅朱贏，佢經常將眼睛所見，甚至心裏所想嘅圖像畫喺紙上，由於日子有功，美術底子深厚，修讀設計學時，成績十分不俗，屢獲殊榮，所以一畢業就有公司請佢做設計師，絕對係學以致用。但好在佢發展時裝設計專業嘅同時，冇忘記另一專業，就係當模特兒，而佢出道至現在不時都會參與時裝騷演出，喺佢嘅官網上就會不時有佢嘅演出消息，工作量都唔少，但最為人所認識都仲係佢喺幾個月前接拍某網站嘅一輯超性感寫真。
朱贏嘅樣子獨特，擁有純種中國人血統，但五官深邃，經常畀網友誤會係混血兒，做一個出色嘅模特兒樣子上已經得天獨厚，加上佢有174cm身高，單係條40吋長腿就已經令人暈晒大浪，但佢嘅優點唔只咁簡單，仲有一副無敵身材，上圍足足有35吋，配埋24吋小蠻腰，絕對係玲瓏浮凸，有前有後，而且不得不提佢個巨股，又圓又翹，真係令人充滿遐想，所以咁完美嘅身材如果唔做模特兒，絕對係暴殄天物。至於一直走開高格調路線嘅時裝模特兒，點解會突然一脫求生呢？據報道講朱贏咁做係想打破自己乖乖女形象嘅框框，突破自己嘅性感底線，將來走時裝騷時，性感造型亦難佢唔倒！事實證明輯寫真十分成功，令朱贏成功挑戰自己，信心大增，可以開展不一樣嘅成功之道！
簡介：在網上流傳嘅朱贏照片，全部都屬於同一輯，但每個網站只放幾張，要一睹全貌，只好登入佢自己嘅官網裏面，就會有齊佢嘅寫真，保證精彩！
網址：http://www.weibo.com/u/2770187785
現居地：北京
三圍：35-24-35
身高：174cm
撰文：龍四海