日本著名動畫大師宮崎駿所創作嘅動畫，得到全球人們嘅熱愛，甚至有人將作品嘅角色紋喺身上，而澳洲裸模Neko Marie就憑住呢啲紋身令佢人氣爆發！
今年25歲嘅佢已從事裸模工作多年，除咗玲瓏浮凸嘅身材外，佢出名嘅地方就係身上超多嘅紋身，只係近嚟有人卻發現喺佢嘅左臂位置，紋咗宮崎駿創作嘅角色，當中有龍貓、幽靈公主、魔女宅急便等。
據佢解釋，佢一直以嚟都熱愛日本嘅文化，尤其係日本嘅動畫更係佢嘅至愛，於是決定將最愛嘅動畫角色紋喺臂上，而且紋咗已有一段時間，卻估唔到近嚟先至畀人發現，仲因此令佢爆紅添！至於未來仲會唔會紋多啲喺身，佢就話要配合全身嘅構圖，唔會因為咁而再紋多啲喎。
撰文：魂