渡海濠情：接吻地方精挑細選
早前南韓搞咗個接吻大賽，據報有三百多人參加，但就惹來大眾批評，話主辦活動嘅廣場曾係特大海難家屬靜坐示威嘅場地，家陣就要嚟搞接吻比賽，有點不敬，嚟自富城會嘅小愛就話：「咁以後好多地方都唔可以接吻啦！」
情到濃時
小愛話：「我哋老家個個公園都有紀念性，唔係紀念偉人，就係紀念重大事件，全部都要表示尊重而唔可以畀情侶接吻嘅話，咁情侶拍拖真係唔知去邊度好啦！其實情侶情到濃時雙雙接吻，係件好神聖嘅事，唔會對任何人造成不敬，我睇外國電影好多外國人都喜歡去墓園拍拖，同樣情到濃時就會接吻，但外國人冇話咁做係會對死者不敬，主要分別就係目擊者個心點諗啫，如果佢覺得接吻係可耻嘅行為，你就算匿埋屋企做佢都會覺得反感，但如果你心裏覺得係神聖嘅，你喺教堂做都冇人會話你，所以關鍵唔係接吻應該喺乜嘢地方進行，而係要留意當你接吻時會有乜嘢人出現，所以為免麻煩，我會好小心咁揀我同男友接吻嘅地方，保證夠晒浪漫之餘，仲唔會影響到人！」
選擇地方
你會揀乜嘢地方嚟接吻呢？小愛話：「我喜歡冇人嘅時候喺公司裏面激吻，因為公司呢處地方你日日返工，所以會有點認識，但夜半無人時又會覺得有點陌生，同男朋友喺佢公司或者我公司裏面接吻真係會特別興奮，而且冇人騷擾，不知幾爽，當然你要小心公司有冇安裝閉路電視，否則做咗小電影主角就大件事，其次，我喜歡喺車上接吻，拍完拖如果意猶未盡，我就會叫男朋友車去郊外，喺郊外我會覺得特別逍遙自在，同時又影響唔到人，熱吻時仲可以全情投入添，之後有冇下文都冇問題啦！當然情到濃時邊顧得咁多，喺公眾地方都會照錫，但都係以蜻蜓點水咁輕輕錫吓，唔會太激烈，想真係同男友激吻就要好好選擇地方，畀人鬧或者拍攝落嚟嘅地方就唔好啦！」
小愛Profile
年齡：21歲
三圍：33-23-34
撰文：小德
攝影：阿生