男士天生聞「小」色變，皆因聽親呢個字往往會聯想到兵器嘅尺寸。其實男士又唔使咁緊張，事關一個小字又唔係一定指兵器嘅長短，喺情慾字海中仲有好多其他嘅意思。今次就帶嚟小及Small有關嘅情慾詞語，等大家領略一下小世界大慾望嘅滋味。
「Small Arm」喺某啲情況下解做小手臂，只係喺情慾世界中卻泛指令各位男士最為忌諱嘅嘢，就係解作短小嘅兵器。原來喺外國人嘅世界中，兵器又稱為男士嘅第三隻手，而喺咁嘅情況下就出現呢個詞語。話時話，其實男士又唔使咁擔心，事關根據醫學文獻記載，全球最細嘅兵器僅得1厘米。咁咪即係冇得搞？唔使擔心，據講係有得搞嘅，方法就係接受激素治療，便可令兵器尺寸增大，當然詳細嘅方法梗係要請教醫生啦！
有巴打翻看美國好耐以前嘅色情小說時，發覺有「Small-Clothes」一詞，究竟佢係乜嘢意思呢？原來呢個詞語早喺18世紀就已經出現，意思係底褲咁解。原來當時對內衣冇一定嘅稱呼，但凡用嚟做底衫褲嘅不分男女都稱為「Small-Clothes」。咁我哋家陣經常叫開嘅Bra，亦即係胸圍又喺幾時出現呢？原來Bra原名叫做Brassiere，係法文嚟嘅。據講以前歐洲女性普遍穿着緊身束衣，只係呢種束衣太過麻煩，於是法國就出現一種以兩條手巾改成嘅胸衣，佢就係胸圍嘅雛形。到咗1893年喺英語中首次使用，其後喺1911年收錄入《牛津英語詞典》成為正式用語。
臀部嘅英文一般會用Butt，只係喺情色俚語中有時會用上另一個詞語，佢就係「Smallers」喇！呢個早喺上世紀70年代出現嘅俚語，點解會用佢嚟形容臀部已經冇得考證，只係知道佢同細小其實一啲關係都冇。不過話說回來，雖然今時今日嘅美國唔少男士覺得巨臀魅力非凡，但小巧嘅臀部亦唔係冇人鍾意，就好似著名脫星Kimberly Kato就係一個好例子。身高5呎4吋嘅佢憑住32吋細股，經常演出美股誘惑，令一眾四仔迷為之興奮無比，並且獲得細籮脫星之霸嘅美譽添！
能夠成為美國AVN指定500套經典色情電影之一嘅作品，《Small Town Girls》嘅來頭一啲都唔細。由著名色情電影公司VCX推出，搵嚟四仔導演Tom Janovich喺1979年拍攝嘅作品，單係參演脫星嘅陣容已經叫人興奮，當中分別有Blair Harris、Michael Morrison、Dorothy LeMay等等人氣脫星之餘，故事嘅引人入勝更係非家陣嘅鹹片可比。故事講述有雜誌推出名為最刺激性愛體驗嘅比賽，參賽者要喺48小時內將性愛經驗記錄低，從而贏取5萬美元嘅獎金。4位索女Cindy、Barbarella、Ann同Dannielle決定使出渾身法寶，帶畀大家眼界大開嘅情慾之旅。
美國脫星界有個外號Small嘅脫星，佢就係原名Oriana Small嘅人氣脫星Ashley Blue。呢位喺1981年7月8日出生，並係2002年出道嘅脫星，至今已喺四仔界打滾咗12個年頭。咪睇佢外號叫Small，查實佢喺從事脫星工作多年期間獲得相當大嘅成就，演出超過380套四仔，並為超過20套作品擔任導演嘅佢，喺2004年分別獲得AVN同XRCO頒發嘅最佳女脫星大獎，又喺2005年時獲頒最佳女脫星配角獎項，並且喺其他嘅四仔及成人頒獎禮中屢獲殊榮。喺今年宣布引退嘅佢除咗推出自傳《Girlvert》剖白喺四仔工作經歷外，更獲得AVN名人堂嘅候選人提名。
小澤瑪利亞係邊個？唔識佢嘅話千祈咪自認係AV迷。1986年1月8日出生嘅佢其實係法日混血兒，由於佢外形相當有外國人味道，據佢講成長階段一直被人誤以為係外國人。2002年出道嘅佢一開始先為裸體網站Shirouto-teien做裸模，其後拍咗兩套AV後就過檔到著名AV公司S1，成為旗下嘅合約AV女優，並喺2005年10月推出一鳴驚人作品《新人×馬賽克 S1 Style》。憑住佢超亮麗嘅外形及玲瓏浮凸嘅身材，成為S1銷量最高嘅女優。2007年佢轉會到同屬北都集團嘅另一AV公司DAS，作品口味亦愈嚟愈重。喺2009年佢開始進軍華語市場，2009年獲邀演出台灣電影《絕命派對》，到咗2012年正式宣布進軍內地市場。
撰文：魂