日本粉紅電影曾經風靡一時，而令粉紅電影得以興盛除咗有出色嘅製作人，當然亦唔少得一眾性感女星，好似高倉美貴、松坂慶子等等，更唔少得嘅梗係經典艷星關根惠子啦！關根惠子五官標致，氣質高雅溫文，但係佢好年輕就開始拍裸照，利用其鮮嫩婀娜嘅胴體配合挑逗性動作迷倒唔少觀眾，而惠子拍嘅情色電影如《首領之妻》等亦毫無疑問能夠令觀眾睇得慾火上升啦！
出年惠子就踏入花甲之年，為咗紀念佢對電影界嘅貢獻同六十大壽將至，出版商就特別重新將惠子於全盛時期所拍嘅火辣寫真收錄於寫真集《永遠的關根惠子》當中，雖然寫真係黑白相，但將惠子嘅青春胴體表露無遺，加上部分寫真由攝影名師秋山莊太郎以及長治濱操刀，無論係藝術性同挑逗性都爆晒燈！
售價：約HK$288
撰文：賢