幾年前，四仔脫星Lupe Fuentes轉型做唱作歌手，又搞女子組合，又化身性感DJ落夜場捽碟，粉絲遠至非洲都有，上年更打單泡全力進軍音樂界，連娘家Wicked Pictures開聲叫佢返來拍四仔都唔拍呀！又難怪嘅，Lupe喺音樂界撈得咁掂，連多個成人新聞網站都有報道佢嘅處女大碟《So High》作全球發行，而第一首派台歌《Don't Hold Back》已掟咗上BBC Radio 1及Sirius XM畀樂迷試聽，報稱首歌係由西班牙一間叫Undercool Productions負責監製，而第二首派台歌《Wepa》由紐約非常有朵嘅Nervous Records負責，阿妹更會親身到當地夥拍著名DJ兼音樂監製Todd Terry同台獻技添！講咁多Lupe嘅近況，查實係想講阿妹既然已全心跳出脫星界，放眼將來，好心就咪再借前脫星之名到處宣傳，連訪問都繼續談性啦！