如果有人話畀你聽，某某女星喺娛樂圈已經有十年歷史，你一定會以為佢係中女師奶，美艷不再，但凡事都有例外，就好似今日要介紹嚟自安徽合肥嘅曾晨，佢出道十年，仍然性感迷人，最近推出嘅火辣寫真更係顛倒眾生。
曾晨早喺2004年就已經出道，最初係以「布丁」呢個藝名喺電視圈打滾，一開始就接咗部過百集嘅長劇，飾演第二女主角嘅少年時期，由於樣子清純，演技精湛，所以令劇組留下深刻印象，最重要發現佢小小年紀，竟能忍受到劇組嘅非人生活，所以好多圈中人都話曾晨注定係食呢行飯，而佢當時只有十五歲，之後好幾年都演一啲青少年嘅影視作品，但隨着年歲日長，少女嘅角色已經冇辦法再演，而演大人角色又未有咁深嘅體會，正不知如何進退時，佢毅然暫別電視圈走咗去做模特兒，身高有172cm，做模特兒當然冇問題，最重要就係三圍玲瓏浮凸，上圍有37吋，巨股亦都一樣大小，中間配25吋小蠻腰，真係着唔着衫都吸引死人，所以曾晨就喺呢個時候用回本名，以真材實料喺模特兒圈打滾。
曾晨雖然出道十年，但佢少年時候就出道，屈指一數，今年佢只有廿六、七歲，年紀一啲都唔老，最重要曾晨擁有完美嘅身材，稍稍一露已經令人暈得一陣陣，但佢成功嘅地方，並唔係只靠身材，佢喺做模特兒期間，參加過大大小小十多項相關賽事，有些名落孫山，亦有些取得不俗嘅成績，無論有沒有得到名次，曾晨都當係自己嘅考驗，從中不斷學習，增強自己嘅表演藝術，而曾晨由於年紀輕輕就出道，所以佢覺得自己未受過正統演技訓練，一直覺得好遺憾，後來佢有機會去法國電影學院攻讀表演藝術，令佢完成心願，同時亦令佢演技大大提升，近年除咗參加一些劇組演出外，主力都係做模特兒，而由於曾晨身材出眾，所以搵親佢都希望佢性感演出，而曾晨亦肯傾力演出，所以網友們有福啦！
簡介：喺曾晨嘅官方微博裏面，周不時都有佢嘅工作花絮上載，現場晝面都十分性感，同時佢亦好喜歡同啲好友玩自拍，個個露晒事業線，絕對值得捧場。
網址：http://weibo.com/pudding8728
出生地：合肥
三圍：37-25-37
身高：172cm
撰文：龍四海