秋高氣爽，最適合登高遠足，以及享受燒烤樂趣。不過，去邊度燒嘢食好呢？梗係去日本最好啦，因為當地環境清幽整潔，最重要係有美相伴，呢班美人兒並唔係普通女孩，而係一班超索好玩又樂意陪飲陪食嘅AV女優呀！
呢排真係好唔得閒，無他嘅，因為天氣清爽涼快，好多朋友都話要燒烤，而小弟家住獅子山下，佢哋要去獅子山公園嘅燒烤場BBQ，梗係搵我提早上去霸定個燒烤爐，有乜法子唔忙得不可開交吖！其實喺香港燒烤唔多好玩，一來人多，二來冇美相伴，吓？乜燒烤都有靚女陪咩？梗係有啦！早前日本舉行燒烤大會有AV女優全程陪燒，由女優事務所「mine's」舉辦嘅第二屆女優燒烤活動「BBQ with mine's娘 2014」，上年第一屆女優陣容強勁，有小島麻奈美、紗倉真菜以及尾上若葉等，雖然今年尾上若葉因為退休而冇出席，但係麻奈美同真菜就帶多7個女優同行，當中包括紅透半邊天嘅上原亞衣、乙葉七瀨以及萌芭，總數有9個女優同60名AV迷一齊BBQ ！
每位參加者需要畀25,000日圓（約1,800港元）費用，但細佬認為絕對唔貴，參加一次只得45分鐘嘅女優攝影會都要呢個價錢啦！今次仲可以同成班AV女優玩足半日，真係抵到爛呀！燒烤當日，眾女優全程陪飲陪食，期間AV迷可以隨意合照又得，一齊互隊啤酒又得，叫女優吹……肥皂泡亦得，真係羨慕死人呀！喺芸芸咁多個女優當中，上原亞衣廚藝最了得，佢拎起鐵鏟嚟個鐵板炒麵不知幾拿手，如果可以娶佢做老婆唔單只有性福，仲一定好有口福。話時話，咁好玩嘅女優燒烤大會到底喺邊度進行呢？有心水清嘅日本網友從活動照片中，得知當日女優同AV迷玩個不亦樂乎嘅場地正係千葉縣嘅清水公園喇！
撰文：賢