宅男天地：冶艷格鬥家

日本人氣格鬥電玩《街霸》系列推出至今已超過27年，雖然歷史悠久，但係佢仍然人氣十足。除咗因為打得精彩又好玩外，當中嘅女角色亦係一大賣點，就好似呢位嚟自《街霸4》格鬥家Juri咁，唔單只揪得，身材更係一流添！模型保留Juri喺電玩中嘅神髓，唔單止五官做得細緻，佢嗰套相當有特色嘅肚兜戰衣，更令佢前凸後趷嘅身材展露無遺。可能有人會問點解Juri個甫士咁騎呢嘅？如果咁問嘅話，你一定唔係《街霸》嘅粉絲，事關呢個係Juri著名嘅甫士嚟，加上原型師出色嘅手工，充滿動感。