成人娛樂節目接二連三舉行，12月有澳門嘅亞洲成人博覽會，而11月就有日本成人展（Japan Adult Expo 2014）隆重舉行，屆時會有一班AV新人以及天后級女優登場，更與AV迷打成一片，真係諗起都興奮呀！
今年日本AV活動特別多，好似年初有主打成人玩具及有大量AV女優落場表演嘅「Pinky Tokyo」，仲有剛剛過去嘅9月舉行大型成人音樂節「Sexy Idol Music Festa 2014」，睇到粉絲如癡如醉。而喺呢兩個大型活動當中，AV天后吉澤明步都有出席擔任嘉賓，嚟緊大家又會見到明步喇，皆因於11月14日至15日舉行嘅日本成人展（Japan Adult Expo 2014）就搵咗明步、希志愛奈以及重病後復出嘅H奶天后麻美由真做代言人兼嘉賓。除咗有呢3位重量級天后撐場之外，新一代巨乳小天后彩美旬果連同今年嘅新人柚月愛、涉谷美希、星野千紗、夏希南、西野聖奈以及翼美咲都會齊齊出席，可謂星光熠熠。
舉辦呢個展覽嘅目的係為咗團結AV界，同時讓業界同AV迷有更多交流機會，各大小AV廠如Moodyz、SOD、KMP等，於場內擺設情趣用品攤位，同時派旗下嘅專屬女優擔任推銷女郎，同AV迷作現場交流。
此外，另一焦點係事隔7年嘅「AV Open 2014」頒獎禮同時喺成人展內進行。呢個頒獎禮係日本AV界大型盛事，表揚全年最賣得同最出色嘅AV作品，而獲獎嘅AV廠更加可以奪得高達500萬日圓嘅獎金！大家如果想參加呢項盛事，同眾位女優見面的話，可以Click上http://www.jae.tokyo/ticket睇睇購買入場門票詳情。
撰文：賢