咪話呢個世界唔公平，只係人做賊佢做賊，如果個樣生得夠索嘅話，縱然係個犯咗偷竊罪嘅賊都仍然人氣急升，講緊嘅就係嚟自加拿大魁北克，今年21歲嘅護理專科女學生Stephanie Beaudoin。呢位單係今年夏天已犯咗42項入屋盜竊罪，若然從去年8月開始計算，至今已累積多達114項偷竊罪，相關罪案文件更厚達12吋嘅佢，名副其實係個慣性盜竊女賊！最近佢又夥同3名年僅13、15和17歲嘅少年入屋盜竊而被捕，警方喺佢車上發現9支槍、金錢、珠寶同電子設備。不過正因為佢外形夠索，並且經常喺個人臉書上載火辣露乳溝相，迷人身材令人流晒口水，因此被美國網絡新聞媒體BuzzFeed，評為世界上最性感嘅賊。雖然Stephanie個樣係就係夠晒火辣，但有鋪咁強烈嘅偷嘢癮，真係好難令人鍾意佢囉！