渡海濠情：千里追星 索女忘形
日本水着妹組合答允參與電視真人騷節目，安排佢哋同粉絲約會，如果兩情相悅仲話可以進一步發展，粉絲們當然歡喜苦狂啦！而嚟自9號會所嘅妙妙就話：「如果韓國有咁嘅節目佢都參加呀！」
疲勞全消
妙妙話：「我細細個就係超級韓迷，韓國嘅男明星個個都係我嘅偶像，屋企裏面單係佢哋嘅相簿都有五、六十本，仲未計佢哋嘅海報、寫真同埋劇集光碟，所以我間房裏面全部都係佢哋嘅嘢，最好笑高中時候我仲改自己個名做金妙妙，大家就可以估計到我對韓星有幾咁瘋狂，所以如果佢哋有個真人騷，係安排同粉絲拍拖嘅，我真係第一個報名參加，就算要使幾多錢我都去，因為可以同偶像近距離見面，真係興奮過同男朋友大戰三日三夜呀！記得當年裴勇俊嚟內地做宣傳，我千方百計先至攞到個握手位，前一晚緊張到瞓都瞓唔到，第二日就一早去現場，舟車勞頓，企足十幾個鐘，攰到阿媽都唔認得，但當偶像一出現腎上腺素激升，乜嘢疲勞都冇晒，個人興奮到不得了！」
情深一吻
如果真係畀你上到節目，你最想同偶像做乜嘢？妙妙話：「上到床過到夜當然最好，但知道冇可能，因為電視節目尺度邊有咁開放，但可以嚟一段濕吻咁就乜都抵番晒啦！當然我心目中嘅劇情，唔係一開始就濕吻，而係先同偶像去行吓街，再去啲乜嘢天地玩吓機動遊戲，之後佢要專登為我贏個毛公仔送畀我，之後我就抱住佢送嘅毛公仔去食餐飯，之後就開車遊車河，最後就同佢傾心事，你咪理我識唔識韓文，總之故事發展到呢度，時間就夠，我哋就要分手，大家都難捨難離下，我會流下幾滴眼淚，偶像再也按捺不住，我哋開始情深一吻，最好幾分鐘嗰隻，因為時間太短，畫面冇乜好睇，如果有得兩三分鐘，畫面可以高拍低炒，仲可以插首冧歌落去，真係蕩氣回腸呀！」
妙妙Profile
年齡：21歲
三圍：33-23-34
撰文：小德