有人話男人天生就熱中性事，就算係做運動都體驗出其中一二，例如特別鍾意要握住支棒揮來揮去嘅運動。其實咁講絕對唔中肯，因為好多女仔都鍾意棒，我指嘅係要揮棒嘅運動，好似水着妹渡邊未優咁就鍾情揮棒叻嘅男人，佢係棒球運動中嘅擊球手。
小弟一向都唔鍾意染髮，亦唔鍾意女仔染髮，因為一直覺得身體髮膚受於父母，原本係咩顏色就應該順其自然，好似我哋亞洲人咁，一頭烏亮嘅黑髮其實亦甚有吸引力，渡邊未優咁擁有一頭亮麗黑髮就最合我合尺喇。今年23歲嘅未優五官標致，氣質清雅又俏麗，笑起上嚟青春甜美，收起笑容又柔情似水，的確係一個迷人嘅美人兒。而小弟我就最欣賞阿妹嘅長長黑髮，完全唔見有染過漂過，帶出傳統亞洲女性美感。見到佢形象咁健康，充滿陽光氣質，應該都知道阿妹熱愛運動，冇錯！未優由細到大都鍾意游水，所以家陣身材弗爆又婀娜，肉地結實緊緻，一對D-Cup上圍亦係堅挺又富彈性。
渡邊未優喺16歲嘅時候，就被藝能事務所發掘成為女子組合「LOVE YOURS」嘅成員，之不過，由於日本藝能界嘅美少女組合實在太多，要成功突圍絕對唔容易，而未優呢個組合未能取得觀眾支持，好快就解散咗。未優後來進軍寫真界，一邊讀書一邊做寫真女郎。隨年月過去，未優身材成熟，美貌誘人，除爭取到演出電影如《少女們的絕對領域》以及《SS》嘅機會之外，2009年更成為三洋物產第四代形象女郎，乃係歷代最年輕嘅一位。最近，阿妹就擔任體育節目《日本電視G+》嘅記者，主要工作係採訪日本職業棒球聯賽。佢多次表示一直都好鍾意睇棒球，家陣成日見到棒球員真係好開心。其實，未優唔單只鍾意睇棒球，棒球員一定係佢嘅理想對象，因為早前有媒體影到佢同某棒球員出雙入對，未知係咪因為採訪時結識到嘅棒球選手呢？
個人博客
渡邊未優經常出入棒球場追訪棒球選手，其博客亦不時會上載採訪花絮，想知多啲近期嘅日本棒球資訊以及未優嘅動態，大家可以Click上去睇。
網址：http://ameblo.jp/watanabe-miyu/
Profile
年齡：23歲
身高：5呎5吋
三圍：33D-23-34
撰文：賢