日本樂壇最強嘅女子組合一定非AKB48莫屬，呢個由青春美少女組成嘅團體人多勢眾，最重要係每個成員都青春無敵，有美貌有活力，而且唔少都身材嬌美，好似前成員板野友美咁，近期就成日以泳裝同內衣示人，展示一副大好身材就知喇。可能見到友美近期咁搏命，剛剛從AKB48畢業嘅大島優子一於唔執輸，拍咗本剝光豬寫真集《脫清光！》。
今年27歲嘅優子喺2006年加入AKB48，一向都喺團體當中擔任領導角色，帶班成員四圍登台。今年6月優子就決定作個人發展，《脫清光！》就係佢嘅最新力作。優子為咗拍呢本寫真集，特別去到西班牙巴薩比島取景，以當地嘅陽光與海灘襯托自己嘅青春好身材，最重要嘅係優子會罕有地剝光豬上陣，雖然三點全程遮住睇唔到，但係又白又滑嘅胴體就表露無遺，一樣養眼醒神！
撰文：賢