家陣好多外國歌手都美貌與身材並重，而歌藝亦頗有水準。之不過，有啲不論拍音樂錄像定係上台獻唱，都係以賣弄身材與色情動作為主，真係唔知佢哋係賣歌定賣淫。而索到啪啪聲嘅谷村奈南雖然擁有好身材，卻希望大家集中欣賞其歌藝，只可惜天意弄人，任佢幾努力唱都係枉然，到最後都係要賣弄身材才可提升人氣。
好多人都話去過外國留學，浸過鹹水嘅學生點都醒啲，而我就話去過外國生活嘅人生得特別高、特別大，好似我表弟咁去過加拿大生活，只係幾年時間咁大把，就由比我矮一個頭，長高到掉番轉我矮佢一個頭喇！又好似今日為大家介紹嘅日本索爆女歌手谷村奈南咁，小時候就隨父親去到夏威夷同洛杉磯生活，所以身材特別好！今年27歲嘅奈南可以話係近年日本樂壇最索嘅女歌手之一，個人認為佢嘅美艷程度比起濱崎步猶有過之而無不及，原因係二人嘅美艷程度相若，但係奈南青春氣息更濃，相比之下點都高分少少。身材方面，奈南腰幼胸大，肌膚白滑幼嫩，火辣程度真係爆晒燈呀！
谷村奈南之所以成為歌手，據講係喺居住夏威夷嘅時候睇過米高積遜嘅音樂會有關。米高積遜令奈南對唱歌產生興趣，之後再聽過美國歌手Christina Aguilera嘅專輯，更加想成為歌手。返到日本，奈南讀高中三年級嘅時候就為一個音樂會獻唱，其極具感染力嘅歌喉深深打動現場觀眾，仲吸引到唱片公司職員將佢帶入樂壇，2007年正式以歌手身份出道。出道初期奈南嘅成績唔錯，原因係佢唱得又跳得，加上身材養眼，第二隻單曲《Say Good-bye》嘅MV榮登點擊率第一位；2008年仲喺一個網站投票當中成為「今年最期待歌手」，同時佢推出嘅單曲《Jungle Dance》更贏得日本之旗第50回日本唱片大賞優秀作品賞。之不過，往後阿妹就無以為繼，只係喺2010年出寫真集嘅時候叫做令人眼前一亮，之後又沉寂一時。最近，奈南又出寫真集，將自己嬌美火辣嘅胴體同青春活力再次展現，而且今次仲玩埋飛釘，成功博得媒體同觀眾注目，希望可以趁住個勢令人氣反彈啦。
谷村奈南近期唔唱歌而出寫真集，由於其豐滿身材令作品甚受歡迎，阿妹仲要成日外出做宣傳，想知道奈南最近又去咗邊度開宣傳會，可以緊貼一下佢嘅面書。
網址：https://www.facebook.com/nanatanimura.official
年齡：27歲
身高：5呎4吋
三圍：35F-23-34
撰文：賢