AV達人:女優演唱會 春光爆發

近期日本樂壇可謂新人不斷,因為有好多AV女優以歌手身份發展,以個人或組合為大家獻上甜美聲線,令樂壇多姿多采兼且春光滿載。而剛剛圓滿結束嘅SEXY IDOL MUSIC FESTA 2014更雲集大量女優,佢哋以實力證明自己除咗性技,歌藝一樣超班!

索女雲集

近年香港樂壇新人唔係冇,之不過真正能夠得到樂迷認同嘅少之又少,所以小弟唱卡拉OK,都只係唱舊歌。其實,日本樂壇同香港差唔得幾多,都係出現青黃不接,然而未來可能會有所改變,因為當地樂壇嘅活力同生氣漸漸增強,最大嘅原因相信都係同班AV女優有關。AV女優們轉營做歌手已經成為一股風潮,並且形成一股樂壇新勢力,早前喺日本川崎市舉行嘅超大型AV女優演唱會SEXY IDOL MUSIC FESTA 2014,就話畀大家知AV女優絕對有能力撐起樂壇出一分力。當日絕對係索女雲集,有大量頂級AV女優獻唱,以個人身份演出嘅有栗林莉里、沖田杏梨、瑠川莉娜等,組合就包括成員有彩美旬果同周防雪子嘅PINKEY、P*cherry、me-me、Million Girls Z等等,演唱會未開始,一眾粉絲已經萬分期待。

明步做歌手

演唱會一開始,擔任司儀嘅吉澤明步先嗲聲嗲氣同觀眾講兩句,然後一眾AV女優就順序出場為大家獻唱。綜觀咁多場表演,場場都見到班女優傾力又唱又跳,絕無欺場。論到打扮得最養眼就一定係棉花糖3D喇!佢哋成班成員都係巨乳妹,當日身穿低胸裝上陣,真係人未到波先到,表演時仲落力蕩奶又倒奶,睇到台下粉絲勁High。不過講到最震撼就一定係沖田杏梨嘅表演,擁有「人類最強Body」之稱嘅杏梨上圍有K Cup咁勁,表演時着住火辣Bra Top加熱褲,亮眼度仲強過天花板嘅射燈!一輪表演之後,現場觀眾投票選出最優秀表演獎誰屬,結果得獎嘅就係PINKEY,天后明步頒發獎座嘅時候,一眾成員開心到喊,足見佢哋對歌唱事業嘅認真同決心。最後,明步有重大消息宣布,就係佢將會進軍樂壇當歌手,咁未來嘅日本樂壇認真多姿多采,可喜可賀!

撰文:賢