AV達人:低調慶祝

「環保」一詞簡直係免死金牌,尤其嘅大機構或大公司搞周年活動,一話環保就乜都唔使搞,搞得寒酸都係因為環保,無人敢插你半句,幾好呀!依家趨勢更發展到唔講唔提等於自動環保,因為怕事先張揚畀外界話你抽水嘛,唔講仲會被人讚你夠低調添!好似法國龍頭四仔廠Marc Dorcel咁,由1979年成立至今足足35年,染指嘅生意都同色情有關,拍四仔、四仔影院、四仔電視頻道、成人情趣內衣及玩具等,堅猛呀!但咁又點?35周年咪一樣低調度過,掌舵人Gregory只係企出嚟講咗幾句,佢話一直帶領台前幕後上下一心製作高質素四仔,佢認為色情發展唔再局限於四仔電影及性玩具,而係成為生活潮流一部分,由地下走到地面喎!Gregory好有遠見呀,咁未知佢可唔可以偉大啲,做吓善心免費開放網站一個月,或者四仔大賤賣,打救吓我哋班淫民得唔得呢?

網址:www.marcdorcelgroup.com/en

撰文:祖