以美少女為題材嘅情慾小說近年唔算係主流，惟呢本由著名情慾小說家Avery Aster所寫嘅作品《Love, Lex》，唔單止以此為題材，細膩嘅少女心態加上細緻嘅情慾場面描寫，睇得人零舍有感覺。故事講述女主角本嚟諗住同埋男友及一班好友，到歐洲慶祝18歲生日，卻意外發現男友竟然同佢最親密嘅人有染，被怒火衝昏頭腦嘅佢竟然一時糊塗去咗偷嘢洩憤，最後畀人拉咗！正當佢喺監倉內相當無助之際，竟然有個素未謀面嘅型男Lex Easton嚟保釋佢，原來對方咁啱喺警署門口見到佢被拉，於是嚟幫佢。女主角除咗感激對方外，春心亦大動，跟住落嚟梗係少不免連場纏綿床戰啦！