剛過去嘅9月22日喺神奈川舉行嘅Sexy Idol Music Festa 2014對樂壇同AV界嚟講，絕對係一件盛事，因為當日有好多AV女優以歌手身份參與活動，相信大家都樂見咁多女優睇得又唱得，而未來將會有更多女優投身樂壇，無論係AV迷同樂迷都必定開心到震！
日本AV天后蒼井空搵銀瓣數多多，喺日本拍完劇，就去內地掘金，又登台又做網絡遊戲代言人，之前擔任惠比壽麝香葡萄成員嘅時候，仲以歌手身份四圍獻唱添，真係發過豬頭！提到惠比壽麝香葡萄呢個主要由AV女優組成嘅女子組合，除咗為樂壇帶來衝擊，更加對AV界影響深遠，唔少女優都有樣學樣轉型做歌手，大大小小嘅歌唱組合陸續出現，包括BRW108、PINKEY、me-me以及Million Girls Z等，令樂壇多姿多采。
近期更有AV天后加入樂壇，佢就係纖體天后冬月楓喇，佢推出僅得4首歌嘅個人專輯，名為《和這樣的你在一起》，主打歌同專輯名一樣，仲特別設計兩個唔同封面，加上從MV當中可見其唱功不俗，睇嚟冬月楓對於加入樂壇相當有誠意。如果大家想欣賞呢位天后嘅唱功，可以Click上www.youtube.com/watch?v=2Dwt4FCna_4欣賞一下。
除咗冬月楓之外，仲有兩位小淫娃會出唱片，佢哋分別係希島愛里以及希美麻由喇。據消息指出，二人已經進行錄歌階段，唱片將於明年1月推出。而兩女早前出席公開活動嘅時候小試牛刀，一展歌喉，台下反應唔錯。
另一方面，Milky Pop Generation呢間主要招攬AV女優做歌手嘅唱片公司，早前舉辦咗一個AV女優演唱會「Milgene Sonic!」，當日萌系小天后星野飛鳥、「人類最強Body」沖田杏梨等都有份表演。於10月11日就會舉行第二場「Milgene Sonic!」演唱會，大家想欣賞AV女優們嘅唱功，可以登上網站「milky-pop.com」睇購票詳情。
撰文：賢