家陣個別年輕一輩嘅女演員主要係賣個樣，演技認真麻麻，講句對白都唔識，真係唔知佢哋以後點搵食。相反，日本影視圈就唔同，佢哋好多女星都有美貌有演技，兼且身材一流，現時當頭起嘅綾瀨遙就係好例子，而中山惠同遙妹一樣咁具實力，同樣才色兼備。
近幾年小弟鍾意睇內地劇同日劇，港劇就一集都唔會睇，冇計啦！劇情大同小異，演出嘅演員亦然，有乜好睇呢！內地劇勝在有大場面大製作，人多景又靚；而日劇就劇情緊湊，演員仲相當好戲，更加有索女演員行出行入，好似近期本地電視台播完嘅《半澤直樹》咁，就有人氣性感女星壇蜜為大家提供養眼場面喇。其實，要喺日劇當中搵個索女嚟睇真係相當易，以拍劇為主要發展方向嘅中山惠，就絕對可滿足到大家嘅視覺要求喇。34歲嘅中山惠雖然年過三十，但依然好似廿來歲嘅女仔咁容光煥發，皮白肉嫩，加上佢本身甚有韻味，年紀增長令其韻味更濃，吸引力亦更高。睇完樣再睇身材，中山惠絕對係上天嘅傑作，5呎6吋嘅身高配上35-23-35嘅三圍實在無懈可擊，更重要嘅係曲線誘人之外，胸前仲有一對堅挺美巨乳，火辣指數爆晒燈呀！快啲搵人幫我淋冰降溫至得喇。
2001年中山惠就出嚟做模特兒，當時佢仲讀緊大學。由於人靚又好身材，好快就受人賞識，連電視圈中人都受其美艷所吸引，喺2004年就邀請惠妹拍劇，首部演出作品就係《在你成為回憶之前》。據講，惠妹膽粗粗進入電視圈發展，唔係單純擴大搵食路數，而係佢喺九十年代，就相當仰慕女演員觀月阿里莎，希望可以透過拍劇同佢見面甚至有合作機會喎。直至今日二人好似冇合作過，而惠妹亦喺行內發展順利，無論係喺劇集《李香蘭》、《孃王3》定係《Dr.伊良部一郎》嘅演出都備受好評，仲有人話佢扮演各種職業嘅角色都入型入格，令觀眾留下深刻印象。可惜嘅係惠妹仲未有一套劇係自己擔正演出，希望未來會有電視製作人識貨，令阿妹嘅演藝事業更上一層樓啦。
中山惠最鍾意就係扮靚靚，大家Click入去佢個博客就見到阿妹日日都扮到花枝招展，不妨向佢參考一下扮靚心得。
網址：http://beamie.jp/t/megumi_nakayama.html
年齡：34歲
身高：5呎6吋
三圍：35-23-35
撰文：賢