渡海濠情:絕世好男難尋覓

喺廣西有位男士幫太太到超市買女士用品,怎料畀個師奶指罵話佢變態,因不悅而與師奶大吵起嚟,最後要警方介入調停,嚟自金池桑拿嘅錫思就話:「咁好嘅男人,我一定撐佢呀!」

勇救佳人

錫思話:「肯幫女朋友或者太太買女士用品,十個男人當中,我唔敢講只得一個半個,但人數一定唔多,佢哋冒住畀人笑都肯幫女伴買,由此可見佢有幾愛自己嘅女人,我啲男朋友個個對我貼貼服服,但肯幫我買女士用品嘅只得一個,佢愛我程度真係最深嘅一個,記得有次我坐飛機返嚟碰啱航班延遲,原本晚上7點返到搞到落機時已經係半夜兩點多,冇晒巴士都唔緊要,最慘又碰啱落大雨,的士站人多車少,截車要打崩頭,當時叫天不應叫地不聞,打電話搵啲男朋友,個個都耍手擰頭,只係佢一聽見我被困機場,佢就由屋企截架的士車嚟機場接我,之後再送我返屋企,你話佢幾咁偉大呢!嗰晚就捉咗佢返屋企,施展渾身解數,好好咁報答咗佢兩次,佢不知幾咁開心!」

分隔兩地

咁嘅好男人,你哋最後點呀?錫思話:「佢真係對我好到不得了,你知道佢依家去咗邊呀?去咗巴西成一年啦!佢話巴西又世界盃又奧運,商機無限,佢希望把握呢幾年機會,多賺啲錢,等我哋將來結婚後,會幸福啲同開心啲,於是揼低咗我,一支公飛咗去巴西發展,有時諗落都唔知好嬲定好笑,但聽見佢咁用心去為你籌謀將來嘅事,諗落又值得開心嘅,所以我同佢嘅關係,唔知算係分咗手,定係發展緊異地情緣。好彩我身邊仲有好多男朋友,生理上如果有需要時,仲可以搵佢哋嚟幫手,但如果你問我最想嫁畀邊個?我一定揀佢,除咗佢真係對我好好之外,如果真係畀佢去巴西掘到幾桶金返嚟,我呢個幸福少奶奶,就一定實食冇黐牙!所以話好男人,我等緊你呀!」

錫思Profile

年齡:21歲

三圍:34-23-34

撰文:小德