轉眼間中秋節已經過去，但係天氣仍然炎熱，而喺日本嗰邊更係火辣辣，皆因一班青春活潑又好身材嘅AV女優齊齊參與「Onafes最後夏之祭」活動，場面波濤「胸」湧，冧爆一眾AV迷。
小弟長年都有留意日本AV界消息，發覺有個情況好奇怪，就係大型AV集團北都雖然人才鼎盛，有財有勢，但係就好少搞活動同AV迷互動一番。相反，規模相對較細嘅SOD就成日安排女優出外做宣傳，而上星期亦有幾間中型AV廠聯手舉辦活動，名為「Onafes最後夏之祭」。呢個活動嘅性質係畀機會一班AV新人女優同大家見面，同時由資深女優教導新女一啲情慾技巧。該活動由MAX-A、h.m.p、KMP以及MAXING呢4間中型AV廠派出新人女優參與，連同出席嘅資深女優以及擔任司儀嘅成瀨心美，一共有19個女優咁多！喺眾多女優登場之前，大會先安排KMP專屬女子組合「Million Girl Z」當中嘅3位成員：星美莉香、克莉絲汀北島以及佐倉絆又唱又跳，將現場氣氛迅速炒熱！
一番勁歌熱舞之後，眾多女優分成紅藍黃綠4組，每組各有4個組員，而4組嘅領隊分別由剛剛轉會到S1嘅由愛可奈、星美莉香、大槻響以及有村千佳擔任，可奈今次更加係大會嘅重頭嘉賓添！至於組內嘅新人女優則有淺倉愛、風間萌衣、佐倉絆、橋本麻衣、西田卡莉娜以及谷原由紀等。之後就進入寶珠爭奪戰，由司儀發問問題考佢哋性知識，亦會要求佢哋即席示範正確體位，答啱問題就會獲得一個波波，得到最多波波嘅一組就贏，而今次勝出嘅就係由愛可奈帶領嘅藍組。玩完遊戲之後，就上演火辣比堅尼騷，女優們喺台上搔首弄姿，不時擘腿又夾胸，誓要盡吸觀眾眼球！梗係啦，唔搏又點氹到佢哋喺活動完畢之後，去到會場外所屬嘅攤位支持自己嘅作品博上位呢！
撰文：賢